المنيو المفصل بالاسعار والمكونات والوصف والصور وعدد القطع ووزن العلب موجود هنا 👇

https://loriental.co/faq

احنا عندنا منيو واحد فقط هو نفس المنيو دائما على نفس اللينك ومش بتتغير ، مش بنستعمل منيو ورقي وبنمنع نفسنا من كتابة اسعار عالخاص علشان اسعارنا معلنة على المنيو ، احنا بنؤمن بالشفافية ، بنعمل كدة علشان المنيو بتاعنا بيتطور بشكل سريع جدا … بنضيف اصناف وبنغير مكونات وبنزود صور بشكل متواصل . حفظ المنيو على لينك بيخلي حضرتك دائما شايف احدث واخر منيو عندنا.

ممكن عمل اوردر بنفسك اونلاين مباشرةً من موقعنا او عن طريق رسالة لصفحتنا على فايسبوك او انستاجرام او واتساب على رقم ٠١٢٠٢٠٤٠٢٢٩

التوصيل بيكون حسب منطقة وعنوان حضرتك وفي خلال 1 الى 3 ايام من الطلب في المتوسط حسب توفر الاصناف المطلوبة وضغط الطلبات. الحد الأدنى للطلبات ٢٠٠ جنيه قبل خدمة التوصيل.

كل الاسعار المذكورة هي سعر العلبة، عدد القطع في العلبة او وزنها مذكور اسفل كل صنف.

عدد القطع في العلبة مذكور اسفل الصنف، ولبعض الاصناف وزن مذكور محدد للعلبة.

خدمة التوصيل بتقدم في عربيات ملاكي مكيفة مجهزة بعدد كافي من الايسبوكس و عبوات فريون مجمدة للحفاظ على منتجاتنا وضمان وصولها لحضرتك بحالة جيدة لسلامة حضرتك واسرة حضرتك. تكلفة الخدمة تختلف حسب المنطقة، التفاصيل ادناه.

القاهرة الكبرى – رسوم التوصيل 40ج
القاهرة الجديدة، مصر الجديدة، مدينة نصر، المقطم، العبور، الشروق، مدينتي، الزمالك، الدقي، المهندسين، العجوزة، المنيل، الهرم، فيصل (رئيسي فقط)، حدائق الاهرام، السادس من اكتوبر، زايد، المعادي.

اسكندرية – رسوم التوصيل 40ج
كارفور سيتي سنتر، الفراعنة، جليم، لوران، رشدي، سان ستيفانو، سموحه، السلطان حسين، وابور المياه، زيزينيا، سيدي جابر، المنتزه، المعمورة الشاطئ، سيدي بشر بحري، الشطبي، الحي اللاتيني، شارع فؤاد، سبورتنج، الابراهيمية بحري، كامب شيزار، العصافرة بحري

الساحل الشمالي – رسوم التوصيل 65ج

التوصيل مجاني لكل المناطق المغطاه لو الاوردر فوق 1000ج

متاح توصيل لبعض المناطق الاخرى خارج نطاق خدمة التوصيل بتكلفة اضافية، يرجى التواصل معانا للمزيد من المعلومات

التوصيل بيعتمد على توفر الاصناف المطلوبة ومنطقة حضرتك بس في المتوسط بيكون في خلال ١ الى 3 ايام من الطلب، ساعات بنقدر نوصل قبل كدة.

احنا اونلاين وتوصيل فقط في الوقت الحالي، مفيش فروع في اي مكان

غير متاح عندنا خدمة الاستلام الذاتي ، احنا اونلاين وتوصيل في مناطق محددة في القاهرة الكبرى والإسكندرية والاساحل الشمالي فقط في الوقت الحالي ، بنعمل كدة لضمان وصول منتجاتنا لحضرتك مجمدة و في حالة جيدة وجودة عالية

التوصيل بيتم على اساس خط سير وجدول توصيل محدد مسبقا علشان نقدر نخدم اكبر عدد من العملاء في اسرع وقت بنفس مواردنا المحدودة ،

يتم تنظيم جدول التوصيل وخط السير قبل التوصيل بيوم بداية من 8م بناءً على التقارب الجغرافي لكل عنواين العملاء في اليوم المحدد مع مراعاة ساعات الذروة في الطرق المختلفة وبين المناطق المغطاه باستخدام تقنية تحليل حركة المرور وعلى اساس الخرائط الرقمية.

اول ما جدول التوصيل وخط السير يكونوا جاهزين، قسم خبراء التوصيل بيتواصل مع حضرتك برسالة على واتساب لتأكيد تواجد حضرتك وتحديد موعد تقريبي للتوصيل – يرجى الرد على الرسالة بتأكيد التواجد لتجنب تأخير الأوردر، للاسف مش بنقدر نحدد وقت معين للتوصيل. في حالة عدم الرد على الرسالة بنضطر اسفين لتأجيل التوصيل ليوم اخر.

احنا متفهمين ان في بعض الاحيان الظروف بتتغير وبنقدر نغير يوم التوصيل لو حضرتك طلبت ولكن للاسف بيكون صعب نغير الوقت التقريبي المحدد لأنه مرتبط بطلبات عملاء اخرين.

ممكن طلب وقت توصيل معين اثناء الطلب وبنحاول على قدر المستطاع ناخده في الاعتبار ، لكن يرجى الاحاطه بالعلم ان الموعد المطلوب غير مؤكد علشان التوصيل بيتم على اساس خط سير وجدول توصيل محدد مسبقًا لضمان توصيل كل اوردرات اليوم

احنا مشروع متخصص في مقبلات مبتكرة وبمكونات فاخرة، منتجاتنا متوفرة مجمدة وجاهزة للتحضير او جاهزة للتقديم.

خدمة التوصيل متوفرة في مناطق كتيرة في القاهرة الكبرى والإسكندرية والساحل الشمالي فقط في الوقت الحالي.

منتجاتنا متوفرة من خلالنا مباشرةً واونلاين فقط في الوقت الحالي وغير متوفرة في اي مكان تاني او باي طريقة اخرى

منتجاتنا متوفرة من خلالنا مباشرةً واونلاين فقط في الوقت الحالي وغير متوفرة في اي مكان تاني او باي طريقة اخرى

المسخن اكلة فلسطينية عبارة عن فراخ مع بصل وسماق وزيت زيتون فاخر معاها صنوبر ولوز محمر ومحشوة في عيش صاج.

كل منتجاتنا بتيجي لحضرتك مجمدة وحضرتك بتقليها وهي مجمدة باستثناء المسخن والميني مشلتت والبيتي حواوشي ليهم تعليمات خاصة تحت…

لكل الاصناف:
يرجى مراعاة الزيت يكون سخن كفاية والحاجة تنزل فيه وهي مجمدة تماما ، مينفعش الحاجة تكون فاكة من الثلج قبل القلية لازم تكون مجمدة.

يرجى ايضاً مراعاة عدم التقليب المفرط واهم حاجة مراعاة عدم مزاحمة الحلة ، يعني منزلش اكثر من ٣ او ٤ قطع في نفس الوقت في الزيت علشان ده بيخفض درجة حرارة الزيت

المسخن والميني مشلتت بيدخلوا فرن ساخن وهما مجمدين لمدة ١٢ دقيقة بدون اضافة اي زيت او مواد دهنية تانية ، المسخن فيه زيت زيتون فاخر كافي مجمد جواه والميني مشلتت فيه زيت وزبدة بلدي وقشطة كفاية جدا جواه.

البيتي حواوشي بيتدهن زيت خفيف من الناحيتين و بيستوي في طاسة على نار هادية من الناحيتين لمدة ١٠ دقايق.

تعليمات التحضير مطبوعة بالتفصيل على علب كل منتجاتنا.

احنا بندور عليك! يرجى التواصل معانا في رسالة للصفحة وترك بينات مكانك وموبايل حضرتك

يرجى التواصل مع الصفحة على فايسبوك مسينجر او انستاجرام او واتساب على رقم ٠١٢٠٢٠٤٠٢٢٩ وترك بيانات حضرتك ونبذة عن حضرتك وعن الموضوع اللي تحب تتكلم فيه ولو في احتياج او فرصة حد من الادارة حيتواصل مع حضرتك في اقرب وقت.